Monday 25 May 2015

വൈരുദ്ധ്യങ്ങൾ

എനിക്ക് പ്രണയിക്കേണ്ടാ;
പ്രണയം തന്നെയാവണം...
ഒഴുകിമറയുന്ന തെളിനീരാവണ്ടാ;
നിറഞ്ഞുനില്ക്കുന്ന പുഴയാകണം...
പാദങ്ങളെ പുണരുന്ന തിരമാലയാവണ്ടാ;
വിഴുങ്ങിക്കളയുന്ന കടലാവണം...
സമാധാനത്തിൻറെ വെള്ളരിപ്രാവാവേണ്ടാ;
ചുറ്റിവരിയുന്ന സർപ്പമാവണം...
തഴുകിത്തലോടുന്ന ഇളംതെന്നലാവണ്ടാ;
സർവ്വസംഹാരിയായ കൊടുങ്കാറ്റാവണം...
ഒരു കഥയുമായ് വരുന്ന മഴത്തുള്ളിയാവണ്ടാ;
അനേകം കഥകളുള്ള പേമാരിയാവണം...
ഓർമ്മയിൽ മധുരംനിറഞ്ഞ സുഖമാവണ്ടാ;
പുറന്തള്ളലിൻറെ തീണ്ടാരിനോവാവണം...
നടപ്പാതയിൽ കിലുങ്ങുന്ന വെള്ളിക്കൊലുസാവണ്ടാ;
കാലുരഞ്ഞ് വൃണമാവുന്ന ചങ്ങലയാകണം...
തേൻ നുരയുന്ന ചുണ്ടുകളാവണ്ടാ;
ചോരയൂറ്റി വലിക്കുന്ന ദംഷ്ട്രകളാവണം...
ആശ്വാസത്തിൻറെ പുഞ്ചിരിയാണ്ടാ;
ഭയമേറ്റുന്ന വികൃതമായ പൊട്ടിച്ചിരിയാവണം...
എനിക്കു ഞാനാവേണ്ടാ;
ഞാന്‍ നീ തന്നെയാവണം...
-------------------
...ജോഫിൻ മണിമല...

2 comments:

  1. ഇഷ്ട്ടമായി ഇനിയും എഴുതൂ..!

    ReplyDelete
  2. Pls add me in FB-- search for Annus Ones

    ReplyDelete