മുലകള്‍

അധികാരഗർവ്വിന് നേർക്ക്
മുലയറുത്തെറിഞ്ഞപ്പോഴാണ്
അവൾ ഒറ്റമുലച്ചിയായത്,
ദേവിയായത്...
മാറുമറക്കാൻ തുണി വേണമെന്ന്
പണ്ടെങ്ങോ ഒരു സമരം.
ഇന്ന്,
തുണിപറിച്ച് പലവിധ മുലകള്‍
മാറുമറക്കാതിങ്ങനെ നടക്കണമത്രേ.
നമ്പൂരിശ്ശൻ
മുലകളിലൂടെ ജീവിച്ചുമരിച്ചു.
ഉണ്ണിനമ്പൂരി
വളർന്നപ്പോൾ സമരം ജയിച്ചു
ഏവരും മാറുമറച്ചു.
കുഞ്ഞുണ്ണി നമ്പൂരി
തെരുവോരത്ത് കെട്ട്യോളെ നോക്കി നിക്കണു.
മാറുതുറപ്പ് സമരത്തിൽ
നിരവധി മുലകളോടൊപ്പം
കെട്ട്യോൾടേം കാണണത്രേ.
കൂട്ടിന് പൊട്ടനും കിട്ടനും...
.....................................
...ജോഫിൻ മണിമല...